ein gwaith
Nod Partneriaeth Dyffryn Peris yw cydweithio er mwyn grymuso cymunedau'r fro. Dyma flas o'r hyn sydd ar y gweill ar y funud:
Prosiect Ymchwil Tai
Mae Partneriaeth Dyffryn Peris wedi bod yn cynnal prosiect ymchwil cymunedol, diolch i nawdd gan LPIP Cymru Wledig.
Prif gwestiwn ymchwil y prosiect oedd 'Beth ydy'r gwir sefyllfa dai yn Nyffryn Peris, a beth alle ni, fel cymuned ei wneud am y peth?' Roedd wedi dod yn amlwg o arolygon blaenorol (Ardal Ni gan Cyngor Gwynedd a GwyrddNi) fod y maes tai yn un pwysig i drigolion lleol, ac roeddem eisiau dallt pam.
Rhwng Ebrill a Mehefin 2026, bu gynnal arolwg drws i ddrws ac arlein, cafwyd grwpiau ffocws, cyfweliadau a digwyddiadau cymunedol.
Bu dderbyn 274 o ymatebion, ac fe hoffai Partneriaeth Dyffryn Peris ddiolch i bawb roddod amser i'r arolwg, bod yn ymatebwyr, gwirfoddolwyr, tim staff dros dro, a thim craidd LPIP.
Mae'r adroddiad bellach yn barod, a gellir ei ddarllen drwy ddilyn y lincs isod:
Y gobaith ydy fod hwn yn darparu tystiolaeth i ysgogi gweithredu cymunedol am amser i ddod. Oes oes unrhyw grwpiau neu unigolion eisiau mwy o wybodaeth am y data a gasglwyd, neu eisiau bod yn rhan o ymateb i'r hyn a godwyd, gyrrwch neges. Gyda'n gilydd gallwn wneud gwahaniaeth!
Cwm Cylchol
Yn ystod cynulliadau hinsawdd GwyrddNi yn Nyffryn Peris, nodwyd awydd i weld mwy o weithgareddau economi gylchol yn lleol. Ac ma gynnom ni syniad!
Drwy gyd-weithio a rhannu syniadau mae rhywbeth fel hyn yn datblygu ar ei orau. Os da chi eisiau bod yn rhan o'r sgwrs, cysylltwch!
Sgynno chi syniad?
Oes gynno chi syniad am brosiect neu weithgaredd hoffech chi ei weld yn eich cymuned? Beth am gysylltu a gweld os oes modd i ni ddatblygu'r prosiect gyda'n gilydd?
Grwp Tai Bro'r Wyddfa
Mae materion tai wedi eu nodi fel blaenoriaeth leol, ac mae grwp tai Bro'r Wyddfa yn cwrdd i drafod syniadau a datblygiadau. Diddordeb yn y maes? Eisiau bod yn rhan o lywio prosiectau tai dan arweiniad y gymuned? Dowch i ymuno yn y sgwrs!
